Skáld í skólum 

Bókmenntadagskrár til flutnings í grunnskólum

Vorönn: 8. - 26. febrúar 2010
Frestur til að panta dagskár er til 5. febrúar

Verð miðast við fjölda áhorfenda, kr. 200 á nemanda
þó er lágmarksgreiðsla  fyrir hvern flutning kr. 16.000

Upplýsingar í síma 568 3190
Netfang: rsi@rsi.is

Fíasól og flinki teiknarinn

Fíasól er gleðisprengja, ferðalangur og óskabarn. Hún er grunnskólaormur og úthverfakríli.

Fíasól fer sínar eigin leiðir og rambar á skynsemismörkum og villist stundum inn í land sem

heitir Rugl og vitleysa. Kristín Helga Gunnarsdóttir, rithöfundur, og Halldór Baldursson,

myndlistarmaður, ferðast inn í heim Fíusólar. Þau hlaupa um sögurnar og tína upp gömul og

ný ævintýri af Fíusól. Þau skoða myndirnar og hvernig þær verða til – kanna hvernig saga

verður að mynd og mynd að sögu og hvernig samhengið á milli verður stundum órjúfanlegt.

Hentar vel fyrir  1.-4. bekk
Lengd: 40 mín. Tækjakostur: Hljóðkerfi með 2 hljóðnemum og tölva með skjávarpa.

     Stjörnuglópur með staf

Fáir íslenskir rithöfundar hafa fjallað með jafn skemmtilegum

hætti um heim bernskunnar og Þórbergur Þórðarson. Eins

eru frásagnir hans af því þegar ástin grípur unglingana

ógleyman-legar. Í þessari dagskrá bregða höfundarnir

Pétur Gunnarsson og Jón Hjartarson á leik og lýsa stílbrögðum og sérkennum Þórbergs, en Jón hefur margoft túlkað skáldið á sviði á

meistaralegan hátt. Efnisval og áherslur taka mið af aldri

áheyrenda, en til grundvallar eru m.a. lögð verkin Sálmurinn

um blómið, Bréf til Láru og Ofvitinn.

Hentar vel fyrir 5. – 7. bekk .

Lengd: 40 mín. Tækjakostur: Hljóðkerfi með 2 hljóðnemum og tölva með skjávarpa.

Tveir ógeðslega frábærir …

Yfirskriftin er sótt í umsögn nemanda sem var ánægður með skólaheimsókn þeirra ágætu skáld-bræðra og nafna: Einars Kárasonar og Einars Más Guðmundssonar, en þeir eiga það sameiginlegt að hafa skrifa um tug skáldsagna hvor, auk þess að vera nánast jafnaldrar. Í farteskinu hafa þeir ljóð, smásögur og hugleiðingar af ýmsu tagi. Dagskráin er byggð upp á brotum úr verkum þeirra og frásögum, en einnig fjalla þeir á sinn einstæða hátt um erfiðleikana við að þurfa sífellt að fá nýjar hugmyndir og að koma þeim í prenthæfan búning. Gamnið og fjörið sem fylgir þeirri iðju er þó aldrei langt undan.

Hentar vel fyrir 8. – 10. bekk .

Lengd: 40 mín. Tækjakostur: Hljóðkerfi með 2 hljóðnemum og tölva með skjávarpa.

Upplýsingar í síma 568 3190

rsi@rsi.is

www.rsi/hofundamidstod/